Agar aap guitar seekhna chahte hain ya abhi-abhi guitar seekhna shuru kiya hai, toh aapke mann mein kai sawaal zaroor aate honge. Is article mein humne guitar beginners ke sabse jyada puche jane wale sawaalon ke jawab diye hain — bilkul simple Hindi mein, taaki aapko guitar seekhne mein koi takleef na ho.
Hum Apne Guitar Ko Tune Kaise Karein?
Guitar tune karna beginners ke liye ek common sawaal hai. Guitar tune karne ke liye sabse pehle aapko apne mobile mein ek achha Guitar Tuner app install karna hoga, ya phir market se ek guitar tuner khareed sakte hain.
Tuner install karne ke baad apni guitar ki pehli string ko baar-baar bajana hoga aur check karna hoga ki tuner E note bata raha hai ya nahi. Agar tuner ek note neeche bata raha hai, toh string ko tight karein. Agar tuner ek note upar bata raha hai, toh string ko dhila karein — jab tak tuner sahi se E note na dikha de.
Theek isi tarah:
- 2nd string ko A note par laana hoga
- 3rd string ko D note par
- 4th string ko G note par
- 5th string ko B note par
- 6th string ko waapis E note par
Shuru mein thodi dikkat ho sakti hai, lekin dheere-dheere aap apne kano se hi guitar tune karne lagte hain.
Guitar Ke Kuch Basic Parts Ke Naam
Guitar seekhne se pehle uske basic parts ke naam jaanna zaroori hai. Neeche guitar ke kuch important parts ke naam diye gaye hain:
- Body: Guitar ke neeche ka poora dhaacha, jise guitar ki body kehte hain.
- Sound Hole: Guitar ke beech mein jo bada sa hole hota hai — ussi se guitar ki awaaz aati hai. Isliye recording ke waqt mic ko sound hole ke paas rakhte hain.
- Neck: Guitar ke upar ka lamda part jise neck kehte hain.
- Fret Board: Neck mein jo kai saare partition bane hote hain, unhe milake fret board kehte hain.
- Fret: Fret board ke kisi ek particular partition ko fret kehte hain.
Ye the guitar ke kuch basic parts ke naam. Umeed hai aapko ye saare naam yaad ho gaye honge.
Guitar Ko Sahi Tarah Se Hold Aur Strum Kaise Karein?
Guitar ko sahi se hold karna:
Sabse pehle apne guitar ko apni right thigh par rakhein aur ekdam seedha baith jaayein. Guitar ko apni body se chipka ke rakhein. Ab apne right hand ko sound hole ke paas rakhein aur left hand ko fret board ke paas. Ek baat ka khayal rakhein ki aapke left hand ka thumb fret board ke peeche hona chahiye — isse guitar stable rahega aur aap aasaani se baja paayenge.
Guitar ko sahi se strum karna:
Strum karne ke liye guitar ki pick ko thumb aur index finger se pakad lein, baaki fingers ko dhila chhod dein. Jab aap strum karein, toh poora haath nahi hilana hai — sirf wrist ki madad se strum karne ki koshish karein. Isse aapka strum natural aur smooth lagega.
Hum Apne Guitar Ki String Change Kaise Karein?
Guitar ki string change karna ek zarooori skill hai. Neeche steps diye gaye hain:
- Pehle guitar ki purani string ko ek-ek karke itna dhila karein ki woh nikal jaaye.
- Nayi string laayein — dhyan rakhein ki nayi string usi note ki ho jo aapne nikaali hai.
- Nayi string ko guitar mein lagayein aur us waqt tak tight karein jab tak woh sahi se fit na ho jaaye.
- Ye kaam sabhi strings ke saath karein.
- Aakhir mein guitar tuner se guitar tune kar lein.
Agar aapke koi aur sawaal hain jo is article mein cover nahi hue, toh neeche comment karein. Jitne zyada comments honge, utni jaldi hum is article ka doosra part laane ki koshish karenge. Shukriya is article ko poora padhne ke liye!